年終獎賞盡地一煲 鍾嘉欣聖誕狂買

kellycat80

馬來西亞做完Show後，鍾嘉欣即第一時間同助手出動搜購聖誕禮物。當日，出名慳家的嘉欣BB一次過買幾大袋野，仲Call埋保母車嚟接載戰利品。

開完騷賺完錢，慳妹都零舍手爽，買男裝、茶葉禮盒送禮外，嘉欣BB亦不忘慰勞自己，不停試靚衫。嘉欣BB最後在Maje試完一輪之後，突然行咗去超市，原來3個月前榮升阿姨的她，到超市內揀BB聖誕衫，但諗過度過，送得嚟都過咗聖誕，最終忍手唔買，然後再轉返服裝店拎衫。之後再同助手去歎泰國菜，飲飽食醉去埋個廁所，嘉欣BB一身舒暢笑住等保母車嚟接，係㗎，唔使慳住買野就係咁滿足。


※拎住幾大袋戰利品的嘉欣邊行邊笑。


※聖誕BB衫好得意，但過節日就過氣。


※見到咁多靚衫，嘉欣都忍唔住手。